Advertisement

Roshni waaley mere naam se jaltey kyuon hain?

Log har mod pe ruk ruk ke sambhaltey kyuon hain?
Itna dartey hain to phir ghar se nikaltey kyuon hain?

Mein na jugnoon hoon diya hoon na koi tara hoon
Roshni waaley mere naam se jaltey kyuon hain?

Neend se mera tagalluf hi nahin barson sey
Khwaab aa aa key merey chhatt pe tahaltey kyuon hain?

Mod hota hai jawaani ka sambahlney ke liyey
Aur sab log yehin aa ke phisaltey kyuon hain?

Log har mod pe ruk ruk ke sambhaltey kyuon hain?
Itna dartey hain to phir ghar se nikaltey kyuon hain?

VN:F [1.9.16_1159]
Rating: 3.7/5 (18 votes cast)
Roshni waaley mere naam se jaltey kyuon hain?, 3.7 out of 5 based on 18 ratings