Advertisement

Zikr ulfat per natija ye hua taqreer ka

Zikr ulfat per natija ye hua taqreer ka
Mein bhi chup hun,woh bhi chup aalm hai ek tasveer ka
Aate aate ruk gaya hai dam jo mujh dilgeer ka
Aah bhar ker muntazir hun ,aah ki taseer ka
Zulf-e-laila-e-shab-e-gham hoti jati hai daraaz
Aur e dil kya asar ho naala-e-shab geer ka
Tor ker pahlu ko nikla hai khadang naaz yun
Dil nahin ek doosra paikaan hai goya teer ka
Saaf baatin hain,hamara raaz-e-ulfat kya chupe
Dil mein aalm hai yahan aaina-e-tasveer ka
Subh tak dekhen dil-e-mahjoor ka kya haal ho
Qasd hai phir aaj mashq-e-naala-e-shab geer ka
Shama hai bazm-e-jahan mein kya adab-e-aamoz-e-ishq
Lab pe shikwa tak nahin be-rehmi-e-gul geer ka
Maut se kya saaz ker rakha hai us ne e nazar
Muddatein guzrin sabab khulta nahin takheer ka…!!!!

VN:F [1.9.16_1159]
Rating: 4.0/5 (5 votes cast)
Zikr ulfat per natija ye hua taqreer ka, 4.0 out of 5 based on 5 ratings