Advertisement

Kabhi ussey bhi meri yaad satati ho gi

Kabhi ussey bhi meri yaad satati ho gi
Apni ankhon main merey khuab sajati ho gi

Wo jo her waqt khiyalon main basi rehti hai
Kabhi to meri bhi sochon main kho jati ho gi

Wo jiski raah main palkein bichi rehti hain
Kabhi mujhey bhi apney pass bulati ho gi

Labon per rehti hai wo her pal hansi ban ker
Tasawar se merey , wo bi muskuraati ho gi

Wo jo shamil hai merey geet merey naghmon main
Kabhi tanhai main mujh ko gun gunaati ho gi

Jis ke liey mera dil beqaraar rahta hai
Merey liey apna chain bhi gawati ho gi

Jiss se izhaar e wafa her pal karna chahoon
Kabhi iqraar to wo bhi karna chahti ho gi

Jiske liye meri her raat hai karwat karwat
Kabhi to ussey bhi neend na aati ho gi

Jiski ulfat ki shamah se hai mera dil roshan
Meri chahat ke wo bhi deep jalati ho gi

Ghame -e- firaaq mera hi muqadar hai ya phir
Meri judaai ussey bi yunhi rulati ho gi

VN:F [1.9.16_1159]
Rating: 3.0/5 (6 votes cast)
Kabhi ussey bhi meri yaad satati ho gi , 3.0 out of 5 based on 6 ratings